BIHAR, abenduak 11, 17:30etan REAL SOCIEDAD-REOCIN RACING

Astero bezela Errealeko nesken informazio txiki bat ematen jarraitzen dut. Bihar, abenduaren 11, Reocin Racing-en aurka jolastuko dute, 17:30etan. Partidu hau irabaziz gero lider bezala sailkatuko lirateke bigarren fasera. Lidertzan egoteak, seguraski, morala igoko die, orduan biharko partidua irabazten badute izugarrizko moralarekin hasiko dute bigarren fasea, Espainiako 8 ekipo hoberenak sailkatuko dira.

Erreala lidertzan dago joan asteko garaipenari esker. Eibarren aurka ere irabazi egin zuten, beste 3 puntu garrantzitsu lortuz. Ez zen izugarrizko partidua izan. Partidua txarra izatera behartu zuten faktore batzuk egon ziren: hotza, haizea... Eibarrek bere maila igo duela ere igarri zen, Errealari ez baitzion gauzak erraz jarri. 0-1 emaitzarekin joan ziren atsedenaldira. Honen ondoren Eibarrek intentsitate gehiago ipini zuen eta 1-1ekoa lortu zuten. Baina hortik minutu gutxitara Aintzanek, berriro ere, Erreala markagailuan aurretik jarrri zuen. 1-2koa eta hiru puntuak etxera, horixe baita garrantzitsuena!

Biharko partidua errazagoa izango dela suposatzen da, baina futbolea edozer pasa daiteke. Erreala, seguru, beti bezela irtengo dela: gogotsu, intentsitate handia ipintzeko prest eta ilusio handiarekin. Partiduro daukaten gauza on guztiak erakusten digute. Inork baino ilusio eta gogo gehiago jartzen dute. Txuri-urdin koloreak sentitzen dituztela hautematen da.

Ea jende asko animatzen den partidu hau ikustera, neskak animatu eta arratsalde on bat pasatzera. Gehienbat animatzera, zeren eta, neskek daukaten guztia jartzen dute partiduro eta animo asko merezi dituzte!

AUPA NESKAAAK!!!!!

Bihar, abenduak 11, 17:30etan REAL SOCIEDAD-REOCIN RACING

(Argazkiak: Valérie Quiroga)

Ane Urkiri